Tímabilið 1999-2000 var fyrsta tímabil Hamarsmanna í úrvalsdeildinni og dómararnir enn ekki orðnir frægir með nöfnum í Hveragerði. Einhverju sinni vorum við nafnarnir Albertsson og Óskarsson að dæma þar. Fyrir leikinn kom að því að upplýsa um hvor væri aðaldómari. Kristinn Albertsson hefur sjaldnast mikinn áhuga á því stöðugildinu svo að hann notaði tækifærið og ritaði nöfn dómaranna eigin hendi á skýrsluna.

Eins og venja er kom að kynningu leikmanna og dómara. Kynnirinn las og kynnti beint upp að skýrslunni. Er hann hafði kynnt leikmennina bætti hann við: "dómarar í dag eru Kristinn Óskarsson og KNÚTUR Albertsson!".