FIBA dómarnir okkar hafa fengið fleiri verkefni.

Björgvin Rúnarsson dæmir þann 12. desember í Hollandi leik Amsterdam Astronauts og Adecco Asvel Lyon frá Frakklandi í EuroCup karla. Meðdómarar hans verða þeir Boris Schmidt frá Þýskalandi og Antonio Coelho frá Portúgal.

Eins og áður hefur verið greint frá hér á kkdi.is dæmir Sigmundur í Eistlandi nú 21. nóvember. En hann fékk einnig fleiri leiki.
4. desember dæmir hann á sama stað, hjá sama heimaliði og í sömu keppni og Björgvin. Leik Amsterdam Astronauts og DTL EKA AEL Lemesos frá Kýpur. Meðdómarar hans verða þeir Lahdo Sharro frá Svíþjóð og Jonas Bille frá Danmörku. Norræn samvinna þar og spurning hvort Halldór Ásgrímsson verður heiðursgestur.
14. desember fer Sigmundur svo til Portúgal, eða réttara sagt eyjunnar Madeira sem er rétt norðan við Kanaríeyjar. Þar dæmir hann leik CAB Madeira og Pallacanestro Ribera frá Ítalíu í EuroCup kvenna. Meðdómari hans er Eistinn Aare Halliko.

Kristinn Óskarsson dæmir í Frakklandi nú um miðjan nóvember eins og áður hefur verið greint frá en hann fékk aðra ferð til Frakklands.
5. desember dæmir hann leik BCM Gravelines Dunkerque og BC Siauliai frá Litháen í EuroCup karla. Meðdómarar hans í þeim leik verða Dale Aitcheson frá Englandi og Ronny Denis frá Belgíu.
6. desember dæmir hann svo aftur með Aitcheson leik US Valenciennes Olympic og Ros Caseres Valencia frá Spáni í Euroleague kvenna en þessi lið áttust einmitt við þann 2. nóvember í Valencia og sigraði heimaliðið 81-58